當你隻人仔１００ｌｖ之後，你想轉職，係唔係有ｄ困難唔知轉咩呢？
我而家將我畢生（講笑）既分析講一講啦＝﹏＝｜｜
軍人系
－－－－－－－－－－－－－－－－－－－－－－－－－－－－－－－－－－－－－－－－－－－－－－－
校尉：

先講「暴擊」而一招技能，雖然話可以增加暴擊次數同能力，但係實用程度唔算太高，所以唔係咁需要去理會。但係校尉有技能－「不屈」，而一招技能吸引到其他玩家去同校尉組隊！加上有全新既一招全體技－「威壓」，咁樣就可以由做慣引手既提轄，化身成為一名炸手啦！對提轄黎講簡直係恩賜∼而二連刺擊，投擲槍攻擊及螺旋刺擊等等技能係升等果陣原全係唔實用，或者係ｐｋ果陣都仲有效啦∼所以唔需要注重點數落去嫁∼！而配技能點方面，盡可能去學暴擊→不屈→威壓先，學完而三招就去ｍａｘ威壓，再可能就ｍａｘ埋不屈，之後就再去學埋其他三招技能，在下就認為唔需要將三招點練法，不過當然都係睇番果個玩家本身既睇法啦＞ｗ＜
－－－－－－－－－－－－－－－－－－－－－－－－－－－－－－－－－－－－－－－－－－－－－－－
侍衛：

擁有瞬步既佢，迴避當然係唔錯，不過對於所謂「血牛」及「肉盾」既軍人系，要迴避，不如要多ｄ防∼不過咁樣可以多一個保障，錦上添花！在下就未清楚信念係唔係被動技（希望玩家提供）∼如果係就最好啦，咁樣勁好多！侍衛仲有一招輔助技－明鏡止水，可以令到隊伍既ｈｐ，ｍｐ加快ｄｄ，咁樣令到炸手回ｍｐ快左，就唔會再出現唔夠ｍｐ既情況出現！而盾擊，奮殺，劍舞同校尉果三招一樣都係升ｌｖ果陣冇咩用，所以都只係ｄ係同其他玩家ｐｋ果陣用既技能！在下認為要ｍａｘ既技能當然係瞬步，其次係信念，如果果位玩家係鍾意去同其他玩家進行ｐｋ戰既話，就當然要去ｍａｘ埋招劍舞，因為係多段攻擊，扣得都幾多＠﹏＠”－－－－－－－－－－－－－－－－－－－－－－－－－－－－－－－－－－－－－－－－－－－－－－－
二職比較：

校尉既迴避當然唔及侍衛鬥啦（唔計裝備嫁，校尉有勁敏裝就冇野講啦），但係校尉有全體技，又有輔助技添，咁樣令到佢係隊伍既地位大大提升呀！但二職都有三招ｐｋ技，打起上黎都難分難解！所以ｐｋ果陣都係只可以睇番邊個加點好同埋ｄ裝好先可以分出勝負嫁０﹏０
－－－－－－－－－－－－－－－－－－－－－－－－－－－－－－－－－－－－－－－－－－－－－－－
講到最後啦，就係自己既選擇，俾我既話，我既選擇校尉，因為全體技既關係，吸引到我去選佢呀＞ｖ＜當然唔係話侍衛唔好．．．（轉左侍衛既唔好唔開心呀＠＠）只不過我認為姐，如果你勁既話，你識加點，做侍衛既你一定都唔會差嫁！
－－－－－－－－－－－－－－－－－－－－－－－－－－－－－－－－－－－－－－－－－－－－－－－


武僧系
－－－－－－－－－－－－－－－－－－－－－－－－－－－－－－－－－－－－－－－－－－－－－－－
禪師：

先講講禪師既一招被動技－神通！通常被動技都係必要練爆的，但我覺得而招就唔多實用。神通係增加魔防既一招，魔防係升ｌｖ果陣冇咩效用，但係ｏ係ｐｋ果陣就大派用場啦∼而另一招輔助技－爆氣！而ｄ可以令全隊加暴擊能力，對於武僧系而ｄ高攻既職業，只係多此一舉炸∼但係睇睇武器方面，禪師係用棍的，咁樣可令禪師既命中超過破戒僧（唔計裝呀＞ｖ＜）！但係睇番攻擊人地既技能，一招新既全體技都冇，咁樣轉禪師既玩家就只可以用番舊時用慣既猛虎擊啦∼令禪師係隊伍中既地位減左唔少！而又係有三招單體技－鐵沙掌，點穴，彈指神功全部又係升ｌｖ冇用嫁＞ｖ＜所以都係ｄ係ｐｋ戰專用既技能黎嫁！贈兩句俾禪師啦！禪師．．．只係ｐｋ既工具，唔係升等既材料！
－－－－－－－－－－－－－－－－－－－－－－－－－－－－－－－－－－－－－－－－－－－－－－－
護法：

有護身術既佢（護法），令到低防既武僧（即使全體都咁講）一瞬間變到更高防，簡直係無懈可擊！而誦經而招全體加命中既技能，當然係隊中好受歡迎啦∼佢更有金剛不壞，用左金剛經再用而招，同得到左兵車行都差唔幾嫁！而唔只而個輔助技，仲有一招－萬華鏡，令護法更有迴避，命中提高既時間，咁樣可以令到護法多方面平均發展呀∼加上兩招新既全體技－猛龍打，狂龍擊！雖然未肯定有冇附加狀態，但係聽個名就知係唔錯既全體技∼所以護法招招都好實用，絕對係正嫁＞ｖ＜仲有武器，可以睇下你能力而轉換，例如你隻人用埋萬華鏡都低命中，當然就用棍啦∼但係如果你係炸緊怪升ｌｖ，就轉番個鏟黎炸多ｄ啦∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－
破戒僧：

又係有瞬步既一個角色呀∼有埋迴避，全體武僧真係變一個「閃得既肉盾」啦＞ｗ＜∼破戒僧有既輔助技就係狂氣，而招可以令佢增加物攻，但同時減命中嫁！對於一個只可用鏟既角色可能唔太理想，但係如果ｏ係炸怪果陣用就冇問題啦！因為又有新全體技－通天炮！當然又有ｄ單體技－白虎連掌，陽炮，狂龍靠崩∼而三招當然計物攻，而當中狂龍靠崩係勁高攻，令到係ｐｋ戰入面都唔怕人地既防太高啦∼所以而個角色絕對係ｐｋ，升等兩樣皆可！
－－－－－－－－－－－－－－－－－－－－－－－－－－－－－－－－－－－－－－－－－－－－－－－
三職比較：

又要比一比較啦！其實都唔係好需要去比，如果大家認同我上面講既野，都知道點選擇啦∼由朝到晚都鍾意ｐｋ人地既話果ｄ玩家就去做禪師囉∼但係有ｄ人好想追去第一大既，咁就做個護法都唔錯！而想兩樣都齊晒就去轉做破戒僧啦∼唔錯嫁都！我認為護法同破戒僧不相百仲，佢地既基本能力都差唔多，而禪師就比起而兩個職差咁ｄ啦！因為始終都冇招好駛既被動技呀／︵＼∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－
又到左我自己選擇既時間啦∼∼俾我選擇，我會選護法，因為我唔太鍾意ｐｋ啦，仲有護法招招都實用，咁樣學招同加點果陣都唔會太計較ｄ咩！但係破戒僧都幾好，因為都幾平均ｄ能力，所以我都唔知點算好啦！不過我就一定唔選擇禪師了！因為冇咩用呀＞ｖ＜！或者之後再轉落去唔錯啦，所以我選護法都有而個好處嫁，就係之後二轉果陣仲有得去選擇，令到自由度大大提升左＞ｖ＜∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－


俠客系
－－－－－－－－－－－－－－－－－－－－－－－－－－－－－－－－－－－－－－－－－－－－－－－
義士：

義士一職，全部的攻擊招數都係計魔攻去衡量勁唔勁既∼所以義士既被動技－儲靈－增加魔攻，一定要如練爆佢∼而靈氣劍而招輔助技，實際用途唔大，所以我諗冇咁既必要去練囉！而另外三招單體技－火牙，水月同埋風刃，全部都係ｐｋ戰入面起到唔少既作用。火牙一招，只係可以扣額外數值，比起另外兩招實用度冇咁高∼其次兩招－水月同風刃，可以令人冰封同訓覺，絕對係同以前既道士一樣。所以我認為可以選擇一招去ｍａｘ，因為ｍａｘ有附加狀態既招會令到陰附加機率增加嫁，鍾意ｐｋ既朋友見到一定好開心！仲有最後一招－地龍，係唯一一招迎既全體技，而招唔單只就咁炸，仲可以令到怪獸隨機扣多５０％血嫁∼實在係炸怪果陣顯示到唔少既威力，而且ｐｋ果陣亦可以炸兩炸嫁！所以亦都係必ｍａｘ既一招！不過，如果話要令到地龍一招顯出真正既實力，最好都係搵番套滅地以上既裝先好呀∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－
浪人：

又先講下浪人既被動技－瞬步，對於一個計物攻既職業黎講，絕對係一等一好招。有左而招，令到浪人係冇人組既情況下都可以同ｄ怪隻揪而唔會易死嫁∼所以必須ｍａｘ∼而心眼一招，可以令到炸怪既浪人，更加有迴避力，絕對唔需要怕ｄ怪圍嘔你果陣，會俾怪秒嫁！但係ｍａｘ左佢既話就唔夠點去練更有用既招！所以最好睇定ｄ先好！而櫻亂一招，表面上唔太有用，但係ｐｋ戰中，就可以令到玩家減低唔少命中，絕對可以令道士等等封人既技冇晒作用嫁，但係實際係升等果陣的確冇用，所以都係留點好過＝﹏＝｜｜講起輔助技，就仲有一招不可不提既技能－風花，而招唔單只可以加血，仲可以加迴，的確唔錯的。如果用過之後係覺得好用既話，不妨ｍａｘ左佢！而櫻吹雪而招新既全體技絕對係勁啦！聽講有內部消息話，櫻吹雪已經改到有隨機冰封既效果∼對於各位浪人黎講當然開心到傻左啦！但我諗相對地，其他人真係驚會唔會係ｐｋ果陣俾浪人冰左之後任姦囉∼所以櫻吹雪而招咁好用既技能，係必ｍａｘ＞ｖ＜最後一招未講既係單體技－盛櫻，單體技，直接黎講即係ｐｋ技，我估計而招應該比起百花仲扣多大概５０％血嫁，因為講到底係一轉技黎，唔會差得去邊既！鍾意ｐｋ既朋友，如果ｍａｘ左必要要招之後仲有好多好多點，可以試試練埋佢∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－
二職比較：

其實兩個職業都互不相連，一個係計魔攻，一個係計物攻∼好難比較招數既勁與廢。但如果計屬性點既話，浪人既迴避力一定遠遠超過義士∼講到組隊既話，大多數玩家都組浪人多過義士既。咁全因為浪人有風花而招加血又加迴既招囉！不過義士唔駛擔心既，因為有地龍一招同浪人既櫻吹雪鬥過！相信兩招都一定係好勁嫁∼但係義士ｐｋ果陣都係最好用番水月或者風刃啦＝﹏＝｜｜
－－－－－－－－－－－－－－－－－－－－－－－－－－－－－－－－－－－－－－－－－－－－－－－
到左自己選擇．．．我諗我會選擇浪人。雖然話浪人係轉職前好難升等，但如果真係升到轉職之後，一定威力唔錯。因為而隻ｇａｍｅ一早幫浪人鋪左後路∼就係一招開始時唔顯眼既被動技－劍術！咁樣的確令計物攻既浪人更能發揮效果嫁∼而且如果浪人招櫻吹雪真係有冰封效果既話，真係會變成招好勁既招數呀！加上有櫻亂，盛櫻等等ｐｋ技，唔駛怕ｐｋ果陣唔夠打啦∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－


      

盜賊系
－－－－－－－－－－－－－－－－－－－－－－－－－－－－－－－－－－－－－－－－－－－－－－－
狂徒：

先講講武器，狂徒係用鞭的，直接黎講係高物攻低命中，不過唔駛怕，用林沖帽就補救到ｄ命中。而且有一招被動技－暴力，咁樣就證明佢物攻唔會差得去邊啦∼而恐嚇一招．．．其實都只係岩ｐｋ果陣玩下∼對於升等果陣的確起唔到大作用∼！而塗毒而招輔助技，如果係用踢沙而招全體技果陣用埋，咁ｄ怪又黑又毒，一定唔錯。講到全體技，當然唔只踢沙一招啦∼狂徒仲有既新全體技就係毒連擊！而招的確唔錯，直接講係一用用兩招毒爪囉∼係幾好用嫁！炸怪果陣用實在又係一個字－爽！最後一招係無影殺，雖然聽個名係幾好．．．有附加狀態都好．．．但始終係單體技，係實戰中發唔到圍∼只好又變成一招係ｐｋ戰到用既招數囉！講番要ｍａｘ既招數，當然係暴力啦，其次係踢沙同毒連擊∼如果你覺得仲有點多左好多既話，得聞就ｍａｘ埋無影殺囉，不過我覺得冇咁既需要姐∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－
山賊：

山賊擁有既係防，因為有被動技－護身術！而招就可以令到閃唔到果陣好驚死既小偷得到一個保障，的確係一招唔錯既招數，當然要ｍａｘ！！講到輔助技就有手足情心而招。手足情心係將自己既體力分俾其他玩家既，但係諗番其實唔大用途，所以少理好ｄ∼而山賊係特別多單體技＝３＝．．．先講講暗箭，係一招一流既ｐｋ技，不單可以有額外血量，更可以黑人地同減防，ｐｋ果陣一定可以大派用場！而搶奪而招就將人地既血扣黎自己到，唔太有用，ｐｋ果陣或者可以幫補少少炸，但始終都唔勁！而四連擊而招，係有四段嫁！扣血方面絕對有水準，但係冇附狀就慘左ｄ∼最後一招係投擲匕首，而招在下認為完全冇用＝３＝唔知放係到做乜．．．或者係我誤錯意掛∼所以始終要山賊玩家幫幫手睇下啦∼最重要既係，山賊一定要放ｄ心機落攻擊力到，因為真係比狂徒差唔少！
－－－－－－－－－－－－－－－－－－－－－－－－－－－－－－－－－－－－－－－－－－－－－－－
二職比較：

先講講攻擊力，狂徒一定唔係輸比山賊啦，有左招暴力＠﹏＠”但係防方面山賊雖然係勁ｄ既，但係如果迴避力唔夠，始終都冇用嫁∼而山賊命中亦同時高過狂徒，因為匕首關係＞ｖ＜而狂徒就係較多人組，因為有兩招新全體技啦，咁樣已經吸引到唔少人組佢∼但係ｐｋ戰方面相信山賊唔係輸俾佢既（如果有勁裝就冇野講啦．．．＞ｗ＜）
－－－－－－－－－－－－－－－－－－－－－－－－－－－－－－－－－－－－－－－－－－－－－－－
我選擇既話會選狂徒∼因為我都係鍾意升ｌｖ多過去ｐｋ∼山賊主要技能去用作ｐｋ果樹！但係狂徒就唔到啦∼又有全體技，又高攻，絕對係戰場上得到一個優勢啦！所以始終我會選擇狂徒∼但係玩家們，你地又會點選擇呢？自己諗啦∼∼∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－



書生系
－－－－－－－－－－－－－－－－－－－－－－－－－－－－－－－－－－－－－－－－－－－－－－－
秀才：

轉職成秀才的話，已經由一位只能加血的醫師，更多出一個身份－炸手。得到了冷笑話，不協調音色等全體技，秀才絕對得到大多人認同是「醫師炸手混合體」。秀才亦有一招被動技－樂理。樂理與儲靈一樣，也是增加魔攻的，對於秀才來說絕對是有利。而得到了音波功這招，秀才便可以跟炸手一起來場ｐｋ戰！還有一招輔助技－滿江紅。對於武僧系，浪人，盜賊系等等都有幫助，是一招不錯的技能。最後一招的技能就是治療術的進階－回復術。這招藥師亦有，是一招全體補血的技能，對秀絕對是個幫助，令更多玩家與他們組隊呢。所以得出的結論是：秀才＝（文人ｘ３）＋（道士ｘ３）
－－－－－－－－－－－－－－－－－－－－－－－－－－－－－－－－－－－－－－－－－－－－－－－
藥師：

是較多人轉的職業嗎？其實藥師的確不算差，因為與秀才有全體補血技－回復術之外，更有一招更強的全體補血的技能－妙手回春。這一招的確可以吸引到文人去轉職以及玩家去組隊。當然還有一招更令人興奮的技能－回魂丹。這樣便令藥師在隊伍中的地位更能固定。藥師亦可與秀才一樣去進行ｐｋ戰了，因為有迷魂香一招，令到藥師也不太悶。但是藥物知識一招，是可以增加合成藥物的機率。對於一些只愛升等的玩家實在是沒有用的，實用的話也是個賺錢的途徑！而與藥物知識相對的就是配藥，與藥物知識一起成為賺錢技能，相信不久後便會有玩家大叫：賣高藥ｘｘｘ蚊，意密。
藥師的結論是：藥師＝（文人ｘ４）＋賺錢＋（道士／２）
－－－－－－－－－－－－－－－－－－－－－－－－－－－－－－－－－－－－－－－－－－－－－－－
二職比較：

相對來說，藥師的確是一個完美的醫師了，但是魔攻不及秀才的強，所以轉職成秀才與藥師ｐｋ的話，秀才一定可以更勝一著。而技能的實用方面，明顯地秀才每招都各有用途。但係藥師既兩招賺錢技能可能就會浪費小小啦∼！組隊方面，兩個職業都會有好多玩家組，因為實在係各有好處嫁∼但係藥師有回魂丹既話，咁就人人都爭住組佢啦∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－
我本身都係一位文人，所以我對而次選擇特別有感覺。我選擇既話，反而會選秀才。因為藥師除左全體補血同復活之外，其他招對我黎講冇咩用，同埋實在太過悶啦∼秀才就唔同，可以成為一位炸手之餘，又可以有全體加血啵∼咁樣個新鮮咁都大好多！而且我鍾意佢果招樂理呀＞ｖ＜實在太好啦∼同埋秀才可以選擇武器，自由度大左好多。所以我決定轉職秀才嫁啦！
－－－－－－－－－－－－－－－－－－－－－－－－－－－－－－－－－－－－－－－－－－－－－－－



道士系
－－－－－－－－－－－－－－－－－－－－－－－－－－－－－－－－－－－－－－－－－－－－－－－
道長：

擁有儲靈一招的被動技，令到道長的技能每一招都可以發揮出強勁的效果。但是道長的攻擊技能，全都只是單體技，在隊伍中沒有大用途。鋒火，蒼雷，水球等等也是單體技，雖然多段傷害，卻沒有附加狀態，在ＰＫ戰時也未能得手應手去殺人。而土遁一招，未能肯定是單體技。如果是全體技的話，絕對是無懈可擊。但不幸地是單體技的話，道長便只是一個ＰＫ的工具，在升等方面不多人會組。除了一招－道道道可以令義士及文人系，風水師等等更強之外，就沒有任何招數可以吸引得到玩家了。如果真有玩家轉職為道長，當然要練爆儲靈及土遁，還有一招較好的－道道道也盡量練爆吧∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－
風水師：

亦有儲靈一招，令風水師的長處展現得很好，所以必須練爆。風水師絕對是個熱門的職業，因為擁有３招不同屬性的全體技能－火柱，水龍，崩裂。當中崩裂更可隨機石化敵人，絕對是一招完美的炸怪技能，所以ＭＡＸ了也不錯。而暴雷一招未能肯定是單體技，但是是一最後的一招，相信威力一定驚人，所以有技能點剩下出來也不妨練爆他。而吸魂術一招卻不太實用。因為道士系出名防低，中幾下招就死，所以換來的ＭＰ不大用途。相信不需要練爆了。
－－－－－－－－－－－－－－－－－－－－－－－－－－－－－－－－－－－－－－－－－－－－－－－
二職比較：

風水師與道長的魔攻不相百仲，但是技能方面風水師絕對更勝於道長。因為風水師的技能主力於全體技，令風水師可以更多人與他組隊。而相對道長就遜色一點了。所以轉了道長的就只好等待二轉時候有更多強勁的技能吧！∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－
我選擇的話當然是風水師，因為沒有隊伍組隊一定不能升得快，而風水師的垓體技一定吸引不少玩家接納，所以我決定轉風水師啦∼但是如果有玩家對道長的未來有希望的話，絕對可以來場賭博呢∼！

多謝提供