香港而家有好多人都好中意日本同日本文化......

距地覺得日本物質豐裕﹐D人有禮貌﹐"盛產"俊男美女﹐科技電器﹐潮流品牌...... 距地好多時會恨自己投錯胎,投左去中國媽咪既肚度﹐恨自已唔係住o係日本﹐甚至希望自己會有個中日混血既阿婆﹐等自己可以話比人聽自己係O羊八分一日本人感......距地一直係度盲目追求心目中既完美國度-日本。距地覺得所有日本野都比中國既,  香港既好...甚至經常辱罵自己既祖國文化﹐又唔承認自己係中國人呢個事實。男既就妄想自己係中日混血兒﹐女既就希望第時嫁比個日本男人......

好多香港人會o係自己既ICQ既個人資料到填日文係自己既溝通語言,  但係o係距地當中有好多根本連日文基本拼音都唔識...... 更有嚴重D既人認為中國文化"老土",  日本文化"新潮"。最慘既係距地覺得”大陸仔“ Cheap,  日本人高尚﹐中國o係二戰入面幾乎比日本滅國係中國人抵死。

我想問﹐你地禁鐘意日本﹐感日本人又鐘唔鐘意你地阿?

我之前都係好崇日既﹐根住就去學日文﹐想了解多D日本文化。但係當我越熟悉日本﹐就發覺cheap既其實係呢班崇日到無曬理由既人。

二戰戰敗之後﹐日本被逼放棄曬o係亞洲o既侵略領土。但日本人認為﹐無錯日本係比人打敗左﹐但只係敗o係西方人手上﹐而唔係中國人﹐中國﹐韓國﹐同其他亞洲國家都係日本比西人打敗之後被逼”嘔“番出黎o既肥豬肉。所以距地覺得中國人﹐同其他亞洲人都係以前比距地戰勝過o既人種﹐再加上o既就係日本o係戰後經濟發展得好快﹐反觀中國同其他亞洲國家就比較貧窮﹐唔係人人都有機會受教育...... 所以日本人對於中國同其他亞洲人普遍黎講都有一種民族o既優越感。

其實﹐呢一種優越感而家o係日本都普遍全在。我之前o係外國讀書既時候就試過問下D日本同學究竟日本人點梯D Chinese? 距地都覺得中國人比距地既印象唔多好 (可能係因為日本傳媒對中國既負面描述掛...)
之前去日本自由行﹐見到有D商店原來係唔比中國人入既﹐我見到好反感。

仲有就係日本既移民政策。如果你係中國人or其他亞洲國家既人而你要移民去日本既﹐就一定要先改日本名 (日本國內號稱有99%係日本人﹐但其實有好多係改左日本名﹐移民左去果度既亞洲人)。令人更反感o既係西人唔單止唔使改日本名就可以移民日本﹐仲可以o係日本自由創業 (日本政府規定亞洲人﹐就算係移民左都唔可以o係日本創業﹐而距地又往往被日本人歧視﹐所以好多在日華人都係做一D好低下既工﹐甚至係做雞﹐日日比日本人玩) 。     好多人﹐尤其是係中國人﹐起初以為日本好好﹐千辛萬苦感改左日本名﹐移民左去日本之後先發覺原來係自己好鐘意日本﹐但日本人唔鐘意距地。

好多o係日本讀書既中國人都好痛苦﹐因為距地往往會係因為來自其他亞洲國家而比人蝦。早排有件新聞就係話o係日本有一個中國人媽咪因為個仔o係學校比人蝦﹐向學校投訴又無人理而癲左﹐最後距斬死左好多人之後自殺死左。

至於日本人點樣對待歷史﹐我覺得我都唔使點講。

呢班崇日既香港人可唔可悲D阿?

其實明明係中國人﹐點解要去崇日呢? 點解要去崇拜一個曾經侵略自己既國家﹐而且呢個國家都從未就距既罪行道歉﹐仲仍然霸著一D領土添。呢班崇日既人正正學會左日本政府不承認歷史﹐不面對史實呢個特點。如果呢班人以自己為榜樣教育下一代﹐你覺得香港第時會變成點呢?

我可以好肯定感話比你地聽﹕日本人一直梯中國人唔起最大既原因﹐係因為中國有太多呢D人喇。

講真﹐莫講話係要做中國人啦﹐我真係無見過日本有人崇中。
天生係中國人,係唔可以改變既。 非洲D飢民會唔會因為自己國家貧弱而崇外丫? 你又會點梯D崇外o既非洲飢民呢?  你想做一個活得有尊嚴o既中國人﹐定係一個自卑崇日o既香港人呢?  你想你o既仔女做一個活得有尊嚴o既中國人丫定係是一個自卑崇日o既香港人阿?

我講完喇。

你既言論有部份講中我既心聲, 部份中國人的確寧願身為日本人也不作中國人, 作為一個中國人我同你一樣都無辦法認同呢種心態,
但請唔好係「喜歡某一件事物」同「侵華」之間劃上等號
唔通因為日本曾經侵略中國就將日本既一切否定？就要將某d值得人喜歡or欣賞既野視作糞土？
如果係咁既話, 同果d因不承認戰敗於中國而看不起一切中國事物既日本人有咩分別？同樣流於膚淺, 你甘心做一個盲目而又膚淺既人嗎？
對於不承認戰爭罪行既日本, 我諗我地可以將佢地睇成果d聲稱自己被利用既紅衛兵
自欺欺人之輩, 除左對佢地講一句"你都痴痴地既"之外, 我地仲可以做d咩？

我並唔係指侵華﹐因為果D事已經過左去喇。我係指日本政府o係而家對於歷史既梯法。
就係因為有人崇日﹐有部份唔認罪既日本人先更加肯定日本無做過呢D事。 因為距地會覺得    "如果我地(日本人)真係有做過對唔住中國人既事而我地又無道歉既話﹐感又點會有禁多中國人鐘意我地呢?"   
Anyways, 多謝你既回應阿﹗^^
我只係一個中學生黎﹐覺得有O羊講得唔對即管講啦﹗^^

其實每個國家一定有部份人鍾意中國人,有部份唔鍾意中國人,我自己幾鍾意日本某部份文化,但係我並唔想係日本人,我幾鍾意自己係香港人,我覺得每個人都可以自由鍾意其他國家既文化,但係都要對自己民族有歸屬感,因為每個國家一定有優點同缺點

=.=是但吧....E+仲念呢D野- -......我就隨隨便便就可...生活到IS OK..不求什麼..但求生存

或者無經歷過既人的確對反日無感覺
但係唸一下
身為中國人,唔通人地係你頭上屙尿你都啞忍

鐘意日本野唔等於想做日本人.....囧

我地中國窮係因為政策唔夠開放,外商投資有好多限制,人口過多;
日本富有因為有美國撐腰,行資本主義,開放自由。
你話日本人有民族優越感,係因為中國人崇日,
但係我覺得係因為美國ge介入....
早前內地有一連串大規模反日示威,證明中國人還有民族意識,
無奈中國政府對日態度不能強硬,
因為日本有美國撐腰和中國對日本借貸。

中國/香港人就係咁
崇洋崇日
唉~~~
真係....D日本仔同鬼仔就係咁笑住賺你班傻仔既錢....><'