三國演義係一本受後世讚頌既巨著
興紅樓夢,水滸傳同埋西遊記同被列為四大名著

由於演義內容與正史有所出入
而令到好多人將假既同真既混淆
所以希望此貼可以幫到一些只睇過演義而未睇過正史既人

張翼德怒鞭督郵---------正史中鞭人既...係劉備而唔係張飛
關公溫酒斬華雄---------正史上華雄係比孫堅(孫權老豆)所殺
三英戰呂布---------------正史上這串燒三兄弟沒有參戰呢
王司徒巧使連環計------正史沒有貂蟬
關公斬顏良誅文醜------正史上顏良係比關公斬殺,而文醜係中左曹操伏兵而被殺,並不是死於關公既刀下
關公過五關斬六將------正史上並沒有記載此事
關公大戰黃忠------------正史上並沒有此事
關雲長單刀赴會---------正史上的確有此事....不過單刀赴會既係魯肅而唔係關公
龐統巧授連環計---------正史上龐統沒有獻計,係曹操自己諗出黎
關雲長義釋曹操---------正史上沒有此事...正史中追擊曹操既係劉備,無殺曹操係因為劉備去此左一步(好似係)
五虎大將------------------正史上並沒有五虎將,而魏國既五大將卻是真有其事
空城計---------------------正史上諸葛亮並沒有用此計,而趙雲所用既空城計卻係真有其事既
龐統死於落鳳坡---------正史上並沒有記載此事
太史慈中張遼計---------正史上太史慈係此戰之前已經死左,所以佢唔係中張遼計而死
周倉與關平---------------正史上並沒有周倉此人,而關平係關公親生仔而唔係養子
馬孟起興兵雪恨---------正史上係馬超反叛而導致當時作為人質既父親和兄弟被曹操殺害
孔明借東風---------------正史上沒有此事
孔明借箭------------------係真既...不過係孫權借而唔係孔明借
魏延反叛------------------正史上並沒有此事
甘寧死於沙摩柯箭下---正史上並沒有此事,甘寧係夷陵之戰前死去
黃忠死於吳軍箭下------正史中共沒有此事,黃忠係夷陵之戰前死去

仲有好多,不過我唔記得左....
希望這個post對大家有用~~

這個post 的確能令更多的人 瞭解三國的歷史 絕不如 演義所寫 ..

這些我都看過   不過有些 忘記了   努力發些 』有料』的內容吧

之前睇過書話諸葛亮真係有玩過空城計
不過真實情況冇演義講得咁神
趙雲個個係空營計

唔係bo..唔係貂蟬呢個人架咩..
唔係d人做咩叫佢係四大美人之一呢

孔明借東風---------------正史上沒有此事

係la 邊有可能做到呢 我唔信e d 野

三國演義can only be a story instead of history..
But many people mix up today...
Especially childen

草船借箭都係假

仲有d..我記得好似係..=='
1.七星燈續命︰如果人人都七星燈續命..棺材鋪咪冇生意..點得嫁:
2.火燒博望︰唔係亮哥做係劉備手筆.. 發生在建安七年，而建安十二年，諸葛亮才出山。
3.怒吼長坂橋︰曹軍夏侯傑因此肝膽俱裂被嚇死 ...吹水=='其實係小說的誇張手法姐..(佢咁都嚇死..佢不如番鄉下耕田仲好啦..仲做咩將軍啊)...
4.征漢中：征漢中時的前線總指揮係劉備，亮哥留守係成都。
5.喬國老:喬國老應是"橋國老",仲有同喬玄並不是同一人
6.《後出師表》：乃後人所寫，並非諸葛亮所作
7.孔明伐魏︰並無七次 係5次
8.馬超戰張飛︰正史話..係馬超私自寫信俾劉備~~請求投降，並冇隻揪..
9.關興︰一介文官…年輕的時候就死了
10.關興複仇︰《三國演義》話，關羽死後，係劉備伐吳既夷陵之戰中，關羽之子關興和張飛之子張苞，都為其父報仇..但係關興都係死左點報. ..唔通有鬼...=='

[ 本帖最後由 yiu_wing 於 2007-5-26 16:56 編輯 ]

做戲係改編.......假的

引用:

原帖由 kelvintam0501 於 2007-5-26 19:39 發表
做戲係改編.......假的

請閣下發表回覆 『有料』一點     想呃post 的話  別在我視線範圍內...
請尊重板規   多謝合作...