最近，我搵返一個我曾經真心去愛的人
不過最終都係無辦法追返姖...
我同姖講：無論妳以後鍾唔鍾意我都好，我都會一直愛妳...
姖話：傻啦，為自己諗下啦...因為我已經唔會再去愛你
我聽完之後就當街喊左出黎...

之後我同班fd講番件事，點知個個都話我傻仔，而且身邊每個男性都叫我唔好再信女人，但係我一直都無聽到有任何女性同我講類似的說話，究竟係我身邊無一個男人係好，還是真係唔應該信女人？
結果我就綜合下面果幾個問題出黎
希望各位就算路過，都俾返少少意見

為何我身邊每一個男人都說女人不可信?!
為何從來沒有任何女人跟我說相似的話?!
為何每次我為人著想，結果也被人說我傻?!
難道我做錯了嗎?!
我到底錯了什麼?!

[ 本帖最後由 abyss1992 於 2008-4-30 20:59 編輯 ]

咁個女人到底係咪做錯左事？
定你激嬲左人？定無事無拉拉分手？

往往其中一方打出來也是偏幫自己∼所以我唔知到底你係咪真係好傻

女人唔可信？唔單只女人吧∼男同女都一樣∼可以一拖幾　唔認真　或者好專一地愛

你Ｄ朋友話唔好信女人，我想他們９８％也是男人^^"那當然是偏激的阿~我都同FD講唔好信男人

他們沒有錯 但我也沒有信 ~簡單來說 不可信的是人類!

呢句說話我講過...但事前一定有D野發生左先會導致咁吧∼你唔介意既話再同大家分享下咩事
我再從第３方角度話你知到底問題係邊－０－

你曾經真心去愛的人?
姐係宜家唔係la
勸你盡揾新Target

成件事簡單黎講
我係升中之前一直都同姖一齊
但係當大家知道無辦法升同一間中學嘅時候
我話我會等姖，直到大家再一次一齊，點知一分開就成四年
係呢四年入面，我曾經有一次變心 我之後都覺得自己好有問題，亦自責過.....
當我最近見返姖嘅時候，我發現我同姖之間的關係已經淡左
姖一開始都同我講，不如俾少少時間大家重新認識過啦.....我當時都覺得咁做最好架
點知過左幾日到，姖同我講，你唔好再等我喇 我唔想同你一齊果時諗住第個....
我一聽到果陣真係真係成個人都崩潰左

我點都估唔到，我呢四年一直咁等，結果會係咁樣!!
我知我曾經變心係我做錯呀，但係當我諗返起我同姖之間嘅約定，我就明白到我絕對唔可以變心，所以我亦同果個女仔講清楚成件事，果個女仔亦明白我點解咁做......
但係結果就變成咁

[ 本帖最後由 abyss1992 於 2008-4-30 20:58 編輯 ]

你都識講你變過心
又點叫白白等左4年呢
可能個女仔唔係一個好女仔
但係你自己都變過心
這就是報應

報應，你都講得好岩
原來成件事錯在我身上.........
無法挽回了........

女唔鍾意人變心嫁!!!!!!!!!!
幫唔到你

多謝哂各位寶貴嘅意見...
不過成件事已經完左...


但係我結果都係接受唔到個事實...

XD 邊食邊等...我唔係話你有錯既地方~

只係..咁多年咩都會變 就算你地再係返埋一齊   個感覺可能以經唔係以前咁

年齡係會改變人既諗法 可能當年做d好天真既事 係甜蜜既

但而家做返出來 或許佢會送你一句白痴~~所以一齊唔等於好事^^

找一個現在你的喜歡的人吧

算把la
錯有錯着,再變多次心.............